Por
iniciativa de trabayadores del Patronatu de Deportes, y dempués
de les oportunes consultes, alcordóse entamar una serie
d’actividaes deportives, enmarcaes nun oxetivu divulgativu,
participativu y solidariu, y con un destín específicu
pal casu de consiguir tamién dalgunes aportaciones económiques.
Consideróse la selmana del 11 al 17 d’avientu como
la más afayadiza pa estes actividaes.
El programa en preparación inclúi... (ta nel cartafueyu)
Escoyóse, ente delles posibilidaes, la ciudá boliviana
d’Achacachi, nel altiplanu, a 3.800 metros d’altor,
nes orielles del llagu Titicaca; l’alcalde visitó
apocayá’l Conseyu de Solidaridá de Siero pa
proponer el llugar como destín de los aportes económicos
solidarios.
Achacachi tien población mayoritariamente aymara, ún
de los pueblos indíxenes andinos más importantes,
con una llarga trayeutoria histórica, y una bayura cultural
pervaloratible, con referente nel Tiahuanacu.
Pa ello solicitóse comunicación direuta con ún
de los sos centros deportivos…
Y apautóse la entidá: Escuela de Fútbol del
Conceyu, que funciona en seis escueles de distintos llugares y
en tres categoríes, de 6 a 16 años d’edá;
l’apoyu ye pa equipar con material deportivo y pa pagar
a los/es entrenadores.
Achacachi. Alcaldía. Provincia d’Omasuyos. Bolivia
Propúnxose al Conseyu Llocal de Solidaridá, adscritu
al Conceyu de Siero como muérganu de participación
ciudadana, pa qu’acompañe estes iniciatives deportivo-solidaries,
y les esparda ente la población de Siero.
Los grupos Asamblea pola Paz, de Siero; COSAL; Soldepaz.Pachakuti;
y Plataforma Asturiana de Solidaridá con Chiapas van asumir
más específicamente l’acompañamientu
nes actividaes que se-yos pidan.
Viéndense bonos, de forma voluntaria, nos polideportivos
y ongs, y puen entregase cantidaes na cuenta de
CaxAstur: 2048 0021 10 0340008280
