Foro DDHH Castrillón

Dio comienzo en el Concejo de Castrillón localidad de Piedras Blancas, el Segundo Foro Solidario con el tema central de los Derechos Humanos.   Tras la pintada de un mural, y la instalación de puestos de las ONG y grupos de comercio justo   tuvo lugar la inauguración   presentada por el Concejal de Cooperación,  un representante de Amigos del Sahara, la Alcaldesa, y el Director de la Axencia Asturiana de Cooperación.   Después una intensa mesa,   con la participación de Carmina Bascarán, que dio testimonio del trabajo esclavo en Brasil, y de la lucha contra esa lacra de los terratenientes, desde el Centro de Derechos Humanos de Acailandia en el estado de Marañao.   de Carmen Ocariz, a nombre de la Coordinadora Asturiana de ONGDs, quien explicó idearios y objetivos de los Foros Sociales Mundiales, con un recorrido por todos los habidos desde el 2001, y la participación de la Coordinadora en algunos de ellos,   de Ana García Calleja, con la presentación de Pueblos Indígenas de la Amazonia, como Pueblos con Derechos reconocidos pero no respetados, que en su ascenso organizativo están consiguiendo y proponiendonos la conservación de la Amazonia frente al destrozo de las petroleras, las madereras, las sojeras, las mineras y empresas ganaderas, convirtiendose, los Pueblos Indígenas, cada vez más, en los y las Guardianas de la Madre Tierra. INTERVENCIÓN DEL DIRECTOR DE L´AXENCIA ASTURIANA DE COOPERACIÓN  Bones tardes amigos y amigues, Quiero en primer llugar, como Director de l´Axencia Asturiana de Cooperación al Desarrollu, treslladavos un candial saludu del Gobiernu d´Asturies y en particular de la Conseyera de Bienestar Social y Vivienda, Noemí Martín. Quiero tamién felicitar al Ayuntamientu de Castrillón y al Conseyu Local de Solidaridá pol so bon trabayu y el so compromisu permanente col internacionalismu solidariu y cola defensa y promoción de los derechos humanos, dando-y continuidá a la convocatoria d´esti II Foru Solidariu de Castrillón polos Derechos Humanos. La probitú y la desigualdá nel mundu nun se puen xustificar. Nun son resultáu de la bona o la mala suerte. La rialidá y la extensión de la probitú, la privación del reconocimientu y la garantía efectiva de derechos sociales, la fame que soporta una gran parte de la humanidá, privada enriba del accesu al agua, a les mínimes condiciones de salú, educación, vivienda y trabayu dignu,…, son consecuencia directa de la forma na que los seres humanos organizamos la nuestra actividá política, social y económica. La humanidá afronta retos globales qu’afecten de manera especial a les persones y pueblos más emprobecíos. Nesti contextu, debemos fortalecer los nuestros compromisos. Nun valen disculpes. La solidaridá colos pueblos emprobecíos nun pue tar condicionada polos problemes económicos globales. La solidaridá nun ye una política pa tiempos de bonanza económica. A tóos y a toes, en cualisquier parte del planeta nos golpéen les crisis. Pero nun lo faen de las mesma manera, nin cola mesma intensidá. Estes crisis machaquen cola máxima dureza a aquellos pueblos que lluchen por superar la inxusticia social, l´emprobecimientu, el subdesarrollu y la exclusión. Ye nos momentos difíciles cuando se fae más importante que nunca mantener l’ayuda prevista y los recursos, a pesar de la situación de crisis global. Lluchar contra la destrucción sistemática del mediu ambiente o pa que millones de persones dexen de pasar fame, ye una posición clara de llucha contra la crisis mundial. Ye un deber éticu de la sociedá global la solidaridá ente los pueblos y la collaboración de los pueblos más desarrollaos colos emprobecíos, apostando por estratexes de desarrollu vinculaes directamente col respetu y la promoción de los Derechos Humanos, na so concepción más amplia. El compromisu colos Drechos Humanos nun conduz solamente a la defensa de los derechos civiles, sinon tamién a la promoción de los derechos socioeconómicos y culturales, asina como los collectivos. Quiero nesti puntu, mostrar el mio total desalcuerdu cola propuesta de reforma de la lexislación que regula l´exerciciu de la xurisdicción penal universal polos Tribunales del Estáu español, aprobada pol Congresu de los Diputaos y que ye, dende´l mio puntu de vista, un pasu más nel camín de llimitar la llucha contra la impunidá. Ye un claru mensaxe nel que se diz que l´Estáu español parez tar más precupáu por nun ofender a dalgunos poderosos gobiernos que por poner fin a la impunidá de la que gocen los criminales. Ye un claru mensaxe nel que se diz que son más importantes los intereses económicos, políticos o militares, que la defensa de los Derechos Humanos. La propuesta de reforma aprobada revela un terrible desinterés por poner cercu a quienes desprecien la dignidá humana. Col textu aprobáu pol Congresu de los Diputaos, la esperanza de les víctimes de xenocidiu, crímenes de guerra, crímenes de lesa humanidá, tortura o desapaiciones forzaes, van tener enormes dificultaes pa conseguir la verdá, la xusticia y la reparación, y los responsables d´estos crímenes van tener menos motivos de precupación. Cuando lo que sobra nel mundu ye la impunidá, apruébense reformes que namás que favorecen a los responsables de los crímenes más atroces contra los seres humanos. ¿Cómo van desplicar a los ciudadanos y ciudadanes del Estáu español o del mundu, que demientres los nuestros gobiernos manden soldaos a intervenir n´antigua Yugoslavia, nel Líbano, n´Afganistán, al mesmu tiempu pretenden bloquear l´acción de la xusticia pa xulgar a los criminales? Ante estos actos, les persones qu´anteponemos el derechu internacional a la barbarie, tenemos el deber éticu o moral de denunciar esta hipocresía y trabayar con firmeza pa qu´esa resolución quede ensin efectu. L´Axencia Asturiana de Cooperación al Desarrollu del Gobiernu d´Asturies considera imprescindible y fundamental, fomentar y fortalecer na sociedá asturiana la solidaridá y el compromisu colos pueblos emprobecíos, al traviés d’una conciencia social crítica. Una solidaridá y compromisu que nun s´agoten n’aspectos materiales, sinon qu’algamen el so máximu sentíu nel desarrollu d’una conciencia global crítica, qu’ayude a cada ciudadanu y ciudadana a sintir como propia la situación d’inxusticia social que padez una gran parte de la humanidá, conociendo les verdaderes causes estructurales de la probitú y la desigualdá. Tenemos la convicción de que “Otru mundu ye posible” cola movilización, la presión y el compromisu de la sociedá civil y sumamosnos a los collectivos y persones que busquen estratexes pa facelo rialidá. Esti Foru Solidariu tien que ser un alcuentru ente persones y movimientos, que dende diferentes posiciones y espacios, incluso dende les instituciones, tamos movilizándonos contra les crisis provocaes pol capitalismu: les crisis alimentaria, financiera, económica, medioambiental, social,…, y por supuesto, una fonda y gravísima crisis de los derechos humanos, en mediu d´un cuestionamientu cada vegada mayor a los organismos internacionales que tán teniendo un comportamientu fondamente antidemocráticu. Tamos movilizándonos contra un sistema que nun distribuyó la so riqueza y qu´agora quier socializar les sos pérdidas. Un sistema qu´ante situaciones de crisis namás que sabe responder cola guerra, la violencia, la vulneración de los derechos humanos individuales y collectivos. El Foru Social Mundial de Belém, mándanos una clara reflexión, na que venimos insistiendo dende munchos ámbitos y que güei quiero compartir equí con vosotros y vosotres: les alternatives al neolliberalismu y les propuestes de tresformación social salen de la llucha social, de les lluches populares, de la llucha diaria de los movimientos sociales y sindicales, de les lluchas de muyeres, mozos y moces, campesinos, pueblos indíxenes, pueblos de la selva, defensores de la llingua, la cultura y la identidá de los pueblos, ambientalistes, comunidaes de base,…, empobrecíos, explotaos y explotaes. Un claru mensaxe p´aquellos homes y muyeres que lluchen y resisten a la usurpación de la naturaleza, los sos territorios y la so cultura. La esperanza favorez l´aparición de nueves utopíes, que señalen les bases d´una nueva sociedá. Eso implica´l rescate de los valores éticos, del sentíu de xusticia social, de les práctiques de solidaridá y compartimientu, y del respetu a la tierra, a la naturaleza y a la identidá de los pueblos. Dende l´Axencia Asturiana de Cooperación al Desarrollu del Gobiernu d´Asturies tamos convencíos qu´esti II Foru Solidariu de Castrillón polos Derechos Humanos, va ser un espaciu collectivu de trabayu, reflexión, diálogu y propuesta nel nuestru camín pa ellaborar un proyectu alternativu, pa organizar la esperanza y pa rescatar la utopía. Salú y munches gracies.