 |
|
 |
 |
 |
 |
 |
 |
Quinta Selmana Comerciu Xustu en Siero
Comercio xustu y consumu responsable: un preséu pa la tresformación social y económica. Movilizámosmos, lluchamos y trabayamos por algamar un mundiu mas xustu.  ¿El meyor sistema posible?  La economía de mercáu nun trexo al mundiu la prosperidá qu’apregonen los sos voceros.Güei mil millones de persones pasen fame, doscientos millones de neños y neñes trabayen por menos d’un dólar al día y 53.000 families asturianes viven per baxo del nivel de la probitú. Y el mayor problema ye qu’estes cifres espoxiguen. Dende’l 2006 medraron en 200 millones les persones que pasen fame y en 2.500 families asturianes les que viven na probitú. El “mercáu llibre” fracasó. Les recetes neolliberales provocaron que les desigualdaes sociales aumentaren en tolos estaos (28 millones de probes n’EE. XX.) y que nel mundiu enxamás tantes persones vivieren na miseria. Nun aceptamos vivir nun mundiu asina y lluchamos por un cambéu de verdá nel sistema económicu, al serviciu de les persones y non de los capitales. ¿La teunoloxía va alimentar al mundiu? Les polítiques d’industrialización de l’agricultura promovíes pol FMI, Bancu Mundial y Xunión Europea desapolinaron del campu a la xente llabriego. Nel 1987 había n’Asturies 77.000 llabradores. Nel 2007 nun hai más que 18.500. Y nel restu del mundiu son millones les y los llabradores que tuvieron que dexar el campu: 5 millones n’Indonesia, 4 en Colombia, 5 en Brasil, etc. Pero la industrialización de l’agricultura nun amenorgó la fame como se ve nos datos. Lo que sí menguó ye la biodiversidá (monocultivos) y lo qu’aumentó ye la contaminación (fertilizantes y plaguicides), la inseguridá (tresxénicos) y el consumu enerxéticu (80 veces mayor na agricultura industrial que na aldeana). Y la calidá de los alimentos baxó a niveles alarmantes, mientres que los precios dispárense por causa la especulación. Namás que la xente llabrador pue alimentar al mundiu dignamente en cantidá y calidá aceptable. ¿Mercáu llibre o monopoliu del supermercáu?  El
75% de los alimentos que consumimos viéndenlos 7 empreses. Esti control
del mercáu permite que mientres paguen miseries n’orixe, el preciu se
dispare na venta final.Equí y en munchos sitios les grandes cadenes de distribución usen estratexes con consecuencies catastrófiques, como la desapaición del comerciu pequeñu, qu’afecta al texíu social de los barrios y pueblos. Desarrollen téuniques de marketing pa incentivar el consumu de productos innecesarios, de procedencia llonxana, de calidá baxa ya inclusive munchos d’ellos dañibles pa la salú. La nuesa alimentación ye más cara y d’una calidá infinitamente mas baxa qu’antes de l’apaición de los supermercaos. El movimientu del comerciu xustu y consumu responsable Énte eso, el movimientu del comerciu xustu propón una rellación estable ya igualitaria colos productores. Apoya los mercaos llocales. Busca l’impautu menor sobre’l mediu ambiente. Defende la soberanía alimentaria, el drechu de los pueblos a xestionar la so alimentación y recuperar la so autonomía. Organízase nuna rede alternativa de distribución. Nesta rede les tiendes cumplen un llabor d’información y sensibilización importante y son espacios de movilización social. Nun se trata solo de cambiar nos vezos de consumu individual, sinón de dir coleutivamente creando grupos y redes que caminen pa contra un sistema al serviciu de les necesidaes humanes y non de los beneficios del capital. La llucha por un comerciu xustu forma parte d’una llucha más global escontra’l modelu capitalista.   A GLOBALIZAR LA LLUCHA, A GLOBALIZAR LA ESPERANZAPues atopamos en: L´ARCU LA VIEYA Postigu Altu 14 Uvieu. PICU RBICU C/ Numa Guilhou 14. Xixón  |
