Y eso de la SOBERANÍA ALIMENTARIA ¿qué ye, ho?

La soberanía alimentaria ye’l drechu de los pueblos a definir les sos polítiques agroalimentaries basaes nun modelu de producción sostenible, dende un puntu vista ambiental, social, económicu y culturalmente acordies coles circunstancies y concrétase en cinco pilares básicos: 1. Accesu a los recursos La soberanía alimentaria fai por fomentar y apoyar procesos individuales y comunitarios d’accesu y control de los recursos (tierra, semientes, creitu, etc.) de manera sostenible, respetando los drechos d’usu de les comunidaes indíxenes y orixinaries, y faciendo énfasis especial nel accesu a los recursos por parte de les muyeres. 2. Modelos de producción La soberanía alimentaria fai por aumentar la producción llocal familiar diversificao recuperando, validando y espardiendo modelos tradicionales de producción agropecuario de forma sostenible ambiental, social y culturalmente (apoyu a los modelos de desarrollu agropecuariu endóxenu). 3. Tresformación y comercialización La soberanía alimentaria defende’l drechu de los llabradores, trabayadores rurales ensin tierra, pescadores, pastores y pueblos indíxenes a vender los sos productos p’alimentar a la población llocal. Ello implica la creación y apoyu de mercaos llocales, de venta directa o con un mínimu d’intermediarios, en función del contestu. 4. Consumu alimentariu La soberanía alimentaria defende que los ciudadanos tenemos drechu a un consumu d’alimentos sanos, nutritivos y culturalmente axeitaos, que procedan de los productores llocales y que se produzan con téuniques agropecuaries agroecolóxiques. 5. Polítiques agraries La soberanía alimentaria defende que’l llabrador tien drechu a conocer, participar ya influyir nes polítiques públiques llocales rellacionaes cola soberanía alimentaria.