 |
|
 |
 |
 |
 |
 |
 |
Por cuenta del día de los pueblos indíxenes, según la ONU...
| A curtiu y mediu plazu - Naciones Uníes asumió’l compromisu de la Conferencia de los Pueblos Indíxenes del 2014 propuestu por Bolivia. Ellí los gobiernos van evaluar, al terminar el segundu deceniu de la ONU, y depués de siete años de la Declaración Universal, qué s’adelantó, cuánto queda ensin facer… ¿Cuánto queda nel estáu español, cuánto queda n’Asturies? A les organizaciones tócanos la xera de facer seguimientu, acompañamientu y apoyu. Un acompañamientu fraternu y respetuosu coles organizaciones y converxencies de Pueblos y Naciones Indíxenes, Y una desixencia tamién, con propuestes y iniciatives pa que los nuestros gobiernos cumplan..lo que dicen les Declaraciones y lo que s’aprobó nel Congresu y nel Senáu nel 2007.. Muncho más concretes, muncho más visionaries son les propuestes de Descolonización, que fexo’l movimientu indíxena. Pa que nunca más se piense nos pueblos indíxenes como subalternos. Tamién pa que les sos propuestes pa “salvar el planeta”, d’enfrialu, de mirar por él, de que sobreviva…nun les estrocen los intereses egoístes de les corporaciones. ¿sabía usté que..? ¿sabía usté que’l 9 d’agosto marcólu la ONU como de les poblaciones indíxenes, hasta qu’a lo último s’aceptó’l términu Pueblos, pero que’l 12 d’ochobre… ta puestu pol Movimientu Indíxena, como’l día de la Resistencia, y por eso de Movilizaciones polos sos Derechos? ¿sabe usté que munchos gobiernos llatinoamericanos declararon ya Día Nacional de la Resistencia Indíxena’l famosu 12 d’ochobre..? ¿Sabía usté que les Constituciones d’Ecuador y Bolivia describen el sumak kawsay, o Vida Plena, como una forma nueva de convivencia ciudadana, en diversidá y armonía cola naturaleza, p’algamar el buen vivir? ¿Sabía usté que’l presidente de Colombia punxo preciu a la cabeza de los indios, que faen por “lliberar la Madre Tierra”, y que d’entós p’acá foi a más la cacería contra los cabezaleros indíxenes? ¿Lleó usté “los diez mandamientos”, o síntesis que’l Presidente Evo Morales propunxo na ONU pa caltener el Planeta? ¿Sabía usté que na ONU tuvieron más de venti años proponiendo llegalizar y ratificar los Derechos de los Pueblos Indixenes? ¿Sabía usté qu’al final el 13 de septiembre del 2007 l’Asamblea de Naciones Uníes aprobó la Declaración Universal de los Derechos de los Pueblos Indíxenes? ¿Sabía usté que’l gobiernu español y el Congresu del nuestru país ratificó’l Conveniu 169 de la OIT, en febrero del 2007? ¿Paez-y a usté qu’hai contradicciones grandes ente’l porgüeyu de les tresnacionales, y los Derechos Indíxenes reconocidos pola ONU? ¿Sabía usté qu’hai ente 500 millones, o 370 millones de persones indíxenes según l’organismu que se consulte? ¿sabía usté que compartir de manera xusta, respetar a la Madre Tierra, son visiones esenciales de los Pueblos Indios? ¿Sabía usté que 520 años de llucha y resistencia permitió a los Pueblos Indíxenes llegar hasta equí, onde se pasó de la resistencia a la propuesta y incluso a participar nos gobiernos para ser a mirar pola tierra, l’agua y por caltener la so identidá y cultura? ¿sabía usté que, como ciudadana, como ciudadanu, tenemos la obligación de defender los Derechos de los Pueblos Indíxenes, y tornar los ataques del neo-colonialismo? ¿y qu’ente esos Derechos ta’l derechu a diseñar la so manera de progresu, diferente al supuestu “progresu” que trai’l calentamientu global y el desaniciu de la especie humana, envelenen l’agua y la tierra les multinacionales estractores d’hidrocarburos y metales, envelénense los ríos, los llagos y los mares por otres actividaes industriales, afura la capa d’ozono, la enerxía atómico, los agroquímicos, los agrocombustibles, los tresxénicos…? ¿lleó usté que l’estractivismu afonda’l modelu patriarcal capitalista, esplota y contamina los territorios y los pueblos, trai enfermedá y muerte, somete a les muyeres y fai de menos el so trabayu diariu del cuidao de la vida, ignora la so participación a la hora consultar pa proyectos o polítiques, xenera violencia, femicidios y violaciones.? ¿ Escuchó usté l’afirmación de que los Pueblos Indíxenes, pol so Respetu a la Naturaleza, “enfríen el planeta”, mientres el sistema n’occidente lu calienta? ¿vamos acompañar, por eso, a los Pueblos Indíxenes, nos sos Planes de VIDA? Nosotres, nosotros, Sí. Asturies tien ferramienta.. la Extratexa pa la cooperación asturiana colos Pueblos Indíxenes. Na menos. Toca agora ponese con ello pa que se cumpla: El Conveniu 169 de la OIT, y la Declaración de NNUU de Derechos de los Pueblos Indíxenes, y la Estratexa Asturiana. La ferramienta ta preparao. Pero los Derechos tán por cumplise, en condiciones. -Los Pueblos Indíxenes algamaron llogros, nel reconocimientu de Derechos, gracies a les movilizaciones. Nun-yos regalaron nada. Pero sobre manera enseñáron-y al mundo que tolo que saben pue valinos muncho a tola xente y colectividaes . La so manera de ver el mundo o cosmovisión, que tien a la tierra como una madre, y por eso merez un tratu maternal de respetu, demuestra que nun son nin bones, nin convenientes, nin soportables actitues depredadores, estractivistes a ultranza, qu’acaben cola la biodiversidá, los recursos naturales, el planeta. -El tratu de respetu que tienen cola naturaleza demuestra que nos Territorios Indíxenes onde pueden facelo "enfrien" el planeta, mientres que’l restu calentámoslu hasta estremos insoportables y insostenibles. Por un Referéndum Mundial: 1. ¿Ta usté d’alcuerdo en cambiar esti modelu capitalista de sobreproducción y superconsumu y restablecer l’armonía cola naturaleza, reconociendo y respetando los derechos de la Madre Tierra? 2. ¿Ta usté d’alcuerdo con que los países y les empreses tresnacionales amenorguen y reabsorban producción de gases d’efectu invernaderu proporcionalmente a les sos emisiones y responsabilidaes históriques pa frenar el calentamientu global? 3. ¿ Ta usté d’alcuerdo n’invertir tolo que se marafundia en guerres y tener un presupuestu mayor en defensa de la Madre Tierra? 4. ¿ Ta usté d’alcuerdo en que los nuestros países se tresformen en territorios de paz llibres d’ocupación de tropes y bases militares estranxeres? 5. ¿ Ta usté d’alcuerdo con tener un Tribunal de Xusticia Climática y ambiental pa xulgar a quien acaba cola Madre Tierra? --Jallalla, Kausachum, Marrici Weu. Puxa la Llucha de los Pueblos Indíxenes.   |            |
